15 طريقه لتحسين اتصالك في الالعاب .

 جديد المجتمع
  • تم افتتاح الموقع الرسمي لشبكة نهضة اللاعبين
  • تم افتتاح سيرفر RUST
img

15 – طريقة لتحسين اتصالك داخل الالعاب ..

هاذا المقال لايعني انه حل جذري لمشاكل اتصالك .. فقط يساعدك في اهم النقاط الاساسية لبيئة غير ملقلقه 🙂 ..


1

تئكد مافية اي احد معاك متصل على الشبكة الي تلعب فيها اذا اتصالك اقل من 4 ميقا


2

بالعاده الجوال يشبك مع اتصال البيت اذا كنت في البيت .. وتشتغل تحديثات او احد يرسل مقاطع ع الواتس او التليقرام وتجلس تحمل برضو تئثر عليك .. والله يعنيك

اذا القروبات عندك كثيره ..


3

كثير مستهتر بالغبار .. “الغبار” يضعف الموجات بشتى انواعها .. نظف المذربورد .. والاشخاص الي يطلعون المودم مع الشباك , الله يعينك تنظفة كل يوم .


4

كبينه البيت الي عند باب بيتكم هاذي شكلها تسحب لك خطك من البوكسية حقت الحاره .. اذا شكلها كذا روح لساكو وتحصل منظفات كهرب العلبه بـ15 ريال !!

ونظفها من فتره الى فتره ..


5

اذا بيتكم حتى لو جديد لاتعتمد ع التسليك الداخلي  حاله وحده , اذا وقت تعمير المبنى كان مسلك له خطوط كت 7 او كت 6 يمر عبر بايبات ضد الحراره والرطوبه والخ .. لاتطبق هاذا الشي

اذا اجابتك لا او ماتدري, مد سلك دايركت من الكبينه الى المودم وانصحك اولاً بكت 7 او بكت 6 …


6

هاذا كيبل كت 6 محمي بـ SSTP < يعني ضد الماء والرطوبه والحراره واشعت الشمس والخ ..


7

تئكد دايماً قبل تخش قيم اون لاين .. التحميل في الجهاز الي  تلعب فيه بي سي او بلاستيشن او اكس بوكس الخ .. ان مافيه شي يحمل … وحاول توقف التحديثات التلقائية وحدث يدوي في وقت

ما تلعب فيه ..


8

شريط المهام بالعاده الناس الصغيره بالعمر او ناس تجهل بالبرامج الي تحملها او بالاصح الي يحمل برنامج ويضغط انستول .. نكست .. نكست ..نكست .. اكسبت .. نكست ..

ويوافق على كل شي ولا يدري وش يعطيك البرنامج غير البارز للمتصفح وبلوقنات للمتصفح وبرنامج لاانشر تابعه للشركه .. حاول يكون شريط المهام خالي من برامج اللانشر

او التحميلات التلقائية ..


9

بعض الالعاب تدعم نظام تصفح السيرفرات .. من الاعدادات تعطيك خيارات مناسبة بدلها الى اعداداتك المناسبة لقوت اتصالك و اختر السيرفر الاقرب لك من ناحية البنق عشان تنسى اللاق


10

النقطه هاذي فتح بورتات واقصد هنا مو تفتح بورت على جهاز وتعرضه للاختراق …. لا … الخطوه شبه معقده  شوي بس !! فعالة جداً وهي انك تشوف نوع مودمك

وتحصل خيارات QoS وهي خدمه في بعض المودمات تركز قوة اتصالك على لعبه معينه .. يعني مثال انا مدمن لعبه ارما افتح لها البورت هاذا واخصصه للعبه ارما ..

الحين عطيتك الزبده مابي اشرح لك وتفلسف عليك لن خبرتي ماهي على كل الراوترات او المودمز .. انصحك تروح تشوف شرح مفصل للخدمه هاذي من ناس متخصصين في المودم الي معك

او العم قوقل مايقصر ..


11

NAT

برضو قريب من النقطة 10 .. وفعال جداً للقيمرز لاكن للاسف معقد حبتين للي ماعنده خلفيه بالكمبيوتر بشكل عام ..

بكل بساطه النات يخليك تتصل بسيرفر الالعاب بشكل اقوى .. فقط خله مفتوح في اللعبه الي تلعب فيها الشي الصعب انك كيف تفتحه ؟

البلاستيشن بسيط عندهم تحصلونه بالاعدادات تبع الاتصال .. اما مستخدمين الكمبيوتر بعض الالعاب تدعم وبعضها لا او حمل ادوات مخصص للعبه الي تلعبها تخليه Public


12

الواي فاي بيعقدك اذا كنت شابك عليه وتلعب زي ماقلت لك غبار يجي يبدا يتفتف .. وحساس ,, اسلاك الاتصال اثبتت قوتها بالالعاب وثباتها في التشويش

والتشويش هو بين الداون لود والابلود اذا كان الاتصال يلعب من ناحيه الداون لود والابلود وغير ثابت برضو التشويش يلعب ويلعب في البنق وانت تلعب 🙂

الزبده اشبك سلك ..


13

اذا بتريح راسك عليك بالالياف البصرية .. والعب وانسى شي اسمه لاق .. واختر من مزودين الخدمه الشي المناسب لك ..


14

اذا انت من حقون الفور جي .. انصحك قبل تختار من الشركات الثلاث اس تي سي وموبايلي و زين ..

قبل تتهور وتخمن وتشتري من راسك .. شوف لك احد من اهلك او خوياك معهم شرايح زين او موبايلي او الاتصالات خذ جوالاتهم .. وشوف الاشاره وتبان بالجوال …


15

وفي الختام اتمنى الفائده للجميع وخاصة لعشاق جي ار ..

والله ولي التوفيق